O‘zbekiston Respublikasi Adliya vazirligining Tadbirkorlar huquqlarini himoya qilish boshqarmasi hamda Xorijiy investitsiyalar va xorijiy investitsiyalar ishtirokidagi korxonalarni huquqiy himoya qilish boshqarmasi negizida Tadbirkorlik subyektlari va xorijiy investitsiyalarni huquqiy himoya qilish boshqarmasi tuzildi, deya xabar bermoqda “Gazeta.uz” O‘zbekiston Respublikasi Prezidentining 26-yanvardagi qarori (pdf)ga tayanib.
Hujjatda ta’kidlanishicha, ushbu qaror Adliya vazirligining tadbirkorlik subyektlarini va xorijiy investitsiyalarni huquqiy himoya qilish bo‘yicha faoliyati samaradorligini oshirish, shuningdek, adliya organlari xodimlarini moddiy rag‘batlantirish va mehnatiga haq to‘lash tizimini takomillashtirish maqsadida qabul qilingan.
Bundan tashqari, qarorda Adliya vazirligi markaziy apparati, Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalari xodimlarining mehnatiga haq to‘lash bo‘yicha razryadlar 2016-yil 1-fevraldan Yagona tarif setkasiga muvofiq 1 razryadga oshirilishi ko‘zda tutilgan.
Izoh (0)