Fikr.uz сайтида сўз мулкининг султони, улуғ шоир ва мутафаккир, давлат ва жамоат арбоби Алишер Навоий таваллудининг 575 йиллиги муносабати билан «Сўз мулкининг султони» мавзусида викторина ташкил этилмоқда. Бу ҳақда Uzinfocom маркази матбуот хизмати хабар берди.
У шоирнинг бой адабий меросини ўрганиш ва тарғиб этишни кенг йўлга қўйиш, ўқувчи ёшлар қалби ва онгига Навоий асарларининг мазмун-моҳиятини, бадиий хусусиятини ва тарбиявий аҳамиятини чуқур сингдириш мақсадида ўтказилади.
Викторинада Алишер Навоий ҳаёти ва ижодига ҳамда асарларига оид саволлар берилади ва унда ўқувчи ёшлар (фойдаланувчилар) Fikr.uz сайтининг тегишли блогида ёзма жавоб бериш (иқтибос қолдириш) орқали қатнашади.
Ғолибларни баҳолаш механизми:
Викторинада 1, 2 ва 3-ўрин ғолиблари саволларга вақт мезони бўйича тўлиқ тўғри жавоб қолдирилган изоҳлар асосида аниқланади.
Агарда барча саволларга тўғри жавоб берган мухлислар сони бир қанча бўлса, унда энг биринчи бўлиб жавобларни йўллаган мухлис ғолиб деб топилади. Ғолиб мухлис Uzinfocom марказининг совғалари билан тақдирланади ва у ҳақдаги мақола сайтда суратлари билан ёритилади.
Викторинада мактаб, касб-ҳунар коллежи ва лицей ўқувчилари иштирок этишлари мумкин.
Викторина 2016 йилнинг 25 январидан 8 февралгача давом этади.
Ғолиблар 2016 йил 10 февраль куни Fikr.uz сайтида эълон қилинади.
Изоҳ (0)