КХДРдаги навбатдаги ядровий синовлар Ўзбекистонда хавотир билан қабул қилинди. Бу ҳақда Ўзбекистон Ташқи ишлар вазирлиги ҳузуридаги «Жаҳон» ахборот агентлиги баёнотида сўз боради.
Қайд этилишича, КХДР томонидан ўтказилган навбатдаги ядровий синовлар БМТ Хавфсизлик кенгаши резолюцияларининг қўпол равишда бузилишидир ва жаҳон ҳамжамиятининг Корея яриморолида тинчлик ва ўзаро ишонч муносабатларини ўрнатиш йўлидаги ҳаракатларига зид.
Марказий Осиёни ядро қуролидан ҳоли ҳудудга айлантириш ташаббускори сифатида Ўзбекистон Ядровий қуролни тарқатмаслик тўғрисидаги битим талабларига қатъий риоя этиш лозим деб ҳисоблайди.
«Ўзбекистон томони расмий Пхеньянни кескинликни ошишига ҳамда минтақадаги ва умуман жаҳондаги хавфсизликка бевосита таҳдид ҳисобланган провокацион ҳаракатларни тўхтатишга чақиради», — дейилади агентлик ахборотида.
Эслатиб ўтамиз, 2016 йил 6 январь куни КХДР водород бомбаси синовини ўтказди. Мазкур синов жаҳон ҳамжамияти томонидан кескин танқид остига олинди.
Изоҳ (0)