Тўққизинчи сайёра, гумон остидаги Истомин, ҳамма тўйда бир хил рақсга тушадиган Дилфуза Исмоилова ва куннинг бошқа муҳим янгиликлари

21 январнинг муҳим янгиликлари — «Дарё»нинг кечки дайжестида.

1. Астрономлар Қуёш тизимидаги 9-сайёра топилгани ҳақида маълум қилди. Айтишларича, янги сайёранинг Қуёш атрофида айланиш даври 15 минг йилни ташкил этади. Таққослаш учун, Ер Қуёш атрофини бир йилда (365 кунда) айланиб чиқади.

2. Ўзбекистоннинг биринчи ракеткаси Денис Истомин келишилган ўйинларда иштирок этганликда гумон қилинмоқда. Гумонланувчилар рўйхатида, Истоминдан ташқари, сўнгги 10 йил давомида халқаро теннис рейтингининг кучли 50 талиги кира олган яна камида 15 нафар теннисчи бор.

3. Ангела Меркель қочоқларни қабул қилишга чеклов ўрнатишдан яна бош тортди. Австрия эса бу масалада қатъий — мамлакатда 2019 йилгача қабул қилинган муҳожирлар сони 127 500 кишидан ошиб кетмаслиги кераклиги белгилаб қўйилди.

4. Дававианазорат: Ўзбекистон самолётлари бортида электрон қурилмалардан фойдаланиш мумкин. Аввалроқ «Ўзбекистон ҳаво йўллари»нинг самолётлари йўловчиларига юриш, кўтарилиш ва қўниш вақтида фотосуратга ва видеотасвирга олиш тақиқланган эди.

5. Озода Нурсаидова: Дилфуза Исмоилованинг суратларини атайлаб тарқатиш шарт эмас, у ҳамма тўйларда шундай рақсга тушади. Гап бундоқ — хонанда Дилфуза Исмоилова бир ресторанда рақсга тушаётгани акс этган суратлари тарқалгани учун ҳамкасби Озода Нурсаидовани айблаган эди.

Бонус: футбол бўйича Ўзбекистон олимпия терма жамоасининг муваффақияти учун етишмаган камида етти жиҳат ҳақида ўқинг, зериксангиз, пойтахтлар ҳақидаги тестни ечинг.