Қорақалпоғистон Республикаси ва Хоразм вилоятида 22 январь, жума куни бироз ёғингарчилик бўлиши мумкин. Бу ҳақда «Ўзгидромет» маркази хабар берди.
Хабар беришларича, 22 январга ўтар кечаси Қорақалпоғистон Республикаси, Хоразм, Андижон, Наманган, Фарғона вилоятларида, шунингдек, тоғли ҳудудларда ҳаво ҳарорати -3 даражагача совиши мумкин. Қолган ҳудудларда ҳаво ҳарорати 0 даражадан пастламайди.
22 январь куни кундузи Қорақалпоғистон Республикаси ва Хоразм вилоятида +7 даражагача, Фарғона водийси вилоятларида +10 даражагача, Тошкент шаҳрида +12 даражагача, Тошкент, Самарқанд, Жиззах, Сирдарё вилоятларида +15 даражагача, Бухоро ва Навоий вилоятларида +17 даражагача, Қашқадарё ва Сурхондарё вилоятларида эса +19 даражагача илиқ бўлади.
Қайд этишларича, 22 январь куни фақат Қорақалпоғистон Республикаси ва Хоразм вилоятининг айрим жойларида ёғингарчилик бўлиши мумкин, вақти-вақти билан ёмғир ва қор ёғиши мумкин. Бухоро, Навоий, Андижон, Фарғона, Наманган вилоятларида туман тушиши мумкин.
Изоҳ (0)