Британиялик қўшиқчи Аделнинг Hello қўшиғига ишланган клип YouTube’да 88 кун ичида миллиард марта томоша қилиниб, рекорд ўрнатди. Бу ҳақда Vocativ хабар беради.
Унгача ушбу кўрсаткич бўйича рекорд ўрнатган кореялик рэпер PSY’нинг Gangnam Style клипига бунинг учун 159 кун керак бўлган эди.
2015 йилнинг 22 октябрь куни чиққан Аделнинг клипи биринчи суткалардаёқ 27,7 миллион марта томоша қилиниб, рекорд ўрнатган эди. Кейинги уч ой ичида ҳам Hello клипи томошабинларда катта қизиқиш уйғотиб, ҳар куни ўн миллион марта томоша қилинди.
Миллиардлик кўрсаткични у Gangnam Style’га қараганда икки марта тезроқ забт этди. Бу эса экспертларга Аделнинг клипи PSY эгаллаб турган мутлақ рекордни, яъни 2,5 миллиардлик кўрсаткични янгилашга муваффақ бўлади, деб башорат қилишига имкон берди.
Адель Лори Блю Эткинс – ҳозирги замон қўшиқчиларининг энг омадлиларидан бири ҳисобланади. Унинг «19» деб номланган илк пластинкаси (2008) унга иккита «Грэмми» мукофотини келтирган эди.
[embed]https://youtu.be/YQHsXMglC9A[/embed]
Изоҳ (0)