Хонанда Лола (Йўлдошева) ЮНИСЕФ билан ҳамкорлиги ва болаларни қўллаб-қувватлаш бўйича амалга ошираётган бошқа лойиҳалари ҳақида сўзлаб берди, дея хабар бермоқда «Даракчи.uz».
«ЮНИСЕФ томонидан ўтказилган тадбирларда дастлаб шунчаки меҳмон сифатида қатнашгандим. Кейинчалик раҳбарият таклифи билан ҳамкорликни йўлга қўйдим. Ҳозир мен болалар ҳуқуқи бўйича миллий чемпионман», — деди хонанда.
Лоланинг сўзларига кўра, у болалар ҳуқуқини ҳимоя қилишда вакил сифатида фаолият юритади. «ЮНИСЕФ билан жуда кўп хайрли ишларни амалга ошираётганимдан жуда хурсандман», — дейди Лола.
Лола ўзи иштирок этаётган бошқа бир янги лойиҳа — аудио эртак китоб чиқариш ҳақида ҳам сўзлаб берди.
«Бу лойиҳани амалга ошириш билан болаларимизга эртак ўқиб беришимиз шартлигини ота-оналарга эслатиб ўтмоқчи бўлдим. Чунки ишдан, ташвишлардан чарчаб бундай юмушларга кўп ҳам вақт ажратмаслигимиз мумкин. Аммо эртак айтиш билан фарзандларимизнинг орзулари, ўйлари, фикрларидан хабардор бўлиб туришимиз мумкин», — дейди хонанда.
«Аудио эртакнинг оналарга бироз ёрдами тегиши мумкин. Аслида бу фарзандларимнинг таклифи билан амалга оширилди. Китобда ‘12 ой’ номли эртакни ўқиб берганман. Эртак воқеаларга хос мусиқалар билан безатилган. Масалан, сувнинг шилдираши, оловнинг ёниши каби товушлар болаларимизнинг қизиқишини ошириши аниқ», — дея қўшимча қилди Лола.
Изоҳ (0)