Украинанинг Житомир шаҳрида янги туғилган чақалоғини ахлат қутисига ташлаб юборган аёл қўлга олинди. Бу ҳақда «Сегодня.ua» хабар беради.
Полициянинг маълум қилишича, бола янги туғилган қизча бўлиб, у ўша заҳоти шифохонага етказилган. Ҳозир боланинг ҳаётига ҳеч қандай хавф йўқ.
Полиция жиноятни содир этган аёлни қидириб топди. Унинг шу яқин атрофда яшовчи 32 ёшли аёл эканлиги аниқланди. У ўзини ёмон ҳис қилганлиги учун ҳозирча ҳибсга олинмаган.
Аёл болани хоҳламаганлиги учун ушбу жиноятни содир этганлигини маълум қилган. Унга беш йилгача озодликдан маҳрум этиш жазоси таҳдид қилмоқда.
Изоҳ (0)