Ўзбекистонлик 23 ёшли Аъзамжон Шокиров Швециянинг Кальмар шаҳрида ёш қизни номусига таҳдиддан сақлаб қолди. Бу ҳақда Expressen нашрига таяниб, «Anons.uz» хабар бермоқда.
Янги йил кечасида Аъзамжон шаҳар кўчаларидан бирида сархуш бўлиб қолган ёлғиз қизни 7—8 кишидан иборат йигитлар гуруҳи ўраб олганини пайқаб қолди. Вазият қиз учун яхшилик билан тугамаслигини сезган йигит тезда уни автомобилига ўтқазди. Тегажоқлик қилаётганлар унга нотаниш тилда бақира бошлади, улардан иккитаси машинага чиқиб олмоқчи ҳам бўлди, бироқ Аъзамжон чаққонлик қилди.
Ўзбекистонлик йигит ўзини қаҳрамон ҳисоблаётгани йўқ. «Мен ёрдамга муҳтож одамни кўрган ҳар бир киши бажариши лозим бўлган ишни қилдим, холос», — дея маълум қилган у Швециянинг Expressen нашрига берган интервьюсида.
Эслатиб ўтамиз, 1 январга ўтар кечаси Кальмар шаҳрида 20 га яқин аёлларга жинсий тегажоқлик қилинган.
Изоҳ (0)