Netflix «Қартадан ясалган уй» сериалининг янги мавсуми тизерини намойиш этди (видео)

Netflix видеосервиси «Қартадан ясалган уй» сериали тўртинчи мавсумининг тизерини намойиш қилди, деб ёзади Meduza. Янги мавсумни тўлиқ ҳолда Netflix’да 2016 йил 4 мартда кўриш мумкин.

Нашр эслатишича, 2015 йил декабрида Netflix сериалнинг янги мавсумини қўллаб-қувватлаб бошқа ролик чиқарган эди.

Эслатиб ўтамиз, аввалроқ оммабоп Netflix онлайн-кинотеатрини жаҳоннинг 130 мамлакатида, жумладан, Ўзбекистонда ҳам томоша қилиш имкони пайдо бўлгани хабар берилган эди. Бунгача Netflix сайти ўзбекистонликлар учун ёпиқ эди, бироқ энди унда бемалол рўйхатдан ўтса бўлади.

Netflix нафақат бошқа компаниялар томонидан ишлаб чиқилган фильм ва сериалларни тарқатади, балки ўзи ҳам экран асарларини тайёрлайди. Netflix’га тегишли сериаллар орасида «Қартадан ясалган уй» («House of Cards»), «Жессика Жонс» («Jessica Jones»), «Daredevil», «Orange Is the New Black» ва бошқа шу кабилар бор.