Фарҳод ва Ширин мусиқий дуэти ўз ижодида «ўғирланган қўшиқлар» борлигини тан олди. Бу ҳақда улар «Бекажон» газетасига берган интервьюсида айтиб ўтди.
— Ижодини йўлга қўйиб олган баъзи хонандалар бир пайтлар танилиш учун хорижий мусиқалардан фойдалангани учун андиша қилиб, бу йўлга бошқа мурожаат қилмайди. Фарҳод ва Ширин рэпертуарида ҳам ўғирланган қўшиқлар йўқ эмас...
Фарҳод: — Биласизми, ўша тароналаримиз ўзимизга жуда ёққан ва чет эл мусиқасидан фойдаланганимиздан афсусда эмасмиз. Ваҳоланки, ўша пайтда бастакорларга мусиқа ёздиришга бемалол имкониятимиз етарди. Кўнглимизга ўтиргани учун олганмиз ва ўша тароналарни ҳалигача яхши кўрамиз. Энг муҳими, «ижара»га олинган қўшиқларимиз асл нусхасидан ёмон чиқмаган. Қолаверса, мухлисларга ҳам манзур бўлган. Биз бировнинг мусиқасидан фойдаланишдан аввал унинг муаллифлари ким эканлигини, албатта, айтиб ўтамиз.
Изоҳ (0)