Хонанда Лола (Йўлдошева) собиқ турмуш ўртоғи Шоҳрух билан ажрашгани фарзандларига салбий таъсир қилмаслигини таъкидлади. У бу ҳақда «Даракчи» газетасига берган интервьюсида таъкидлаб ўтди.
«Турмуш ўртоғим билан қарашларимиз, феъл-атворимиз бир-биримизга тўғри келмагани учун ажрашишга қарор қилдик. Аммо бу ҳолат фарзандларимизга салбий таъсирини ўтказмайди», — деди Лола.
«Дам олиш кунлари болалар отаси, бобоси ва бувиси билан кўришиб, бирга вақт ўтказиб туради. Бундан ташқари, фарзандларимиз билан боғлиқ масалаларни ҳам доим бирга ҳал қилишга ҳаракат қиламиз», — дея қўшимча қилди хонанда.
Хонанда Лола собиқ турмуш ўртоғи Шоҳрух билан 2011 йилда ажрашган. Аввалроқ, хонанда «бошқа шахсий сабабларга кўра» ажрашганини айтиб ўтганди. Шоҳруҳ 2016 йил 16 январь куни яна уйлангани маълум бўлди.
Қайд этиш жоиз, Лола 2015 йил декабрь ойида берган катта интервьюсида яна икки фарзанди ва мустаҳкам оиласи бўлишини исташини айтиб ўтганди.
Изоҳ (0)