Бродвейда икки йирик IT-компания — Microsoft ва Apple ҳамда унинг асосчилари Билл Гейтс ва Стив Жобс рақобати ҳақида ҳикоя қилувчи Nerds мюзикли намойиш этилади. Бу ҳақда «Hi-tech.mail.ru» хабар бермоқда.
Мюзикл IT-компаниялар ҳақида бўлгани учун ташкилотчилар томошада замонавий технологиялардан фойдаланишга ҳаракат қилган. Жумладан, голограммалар ва мухлисларга ўзаро мулоқотда бўлиш ҳамда томошани бошқаришга имкон берувчи махсус мобил дастурлардан фойдаланиш кўзда тутилган.
Гарчи мюзикл қанча муддат давомида намойиш этилиши ҳозирча номаълум бўлса-да, чипталар сотувга чиқарилган. Илк тақдимот Нью-Йоркдаги Longacre Theatre’да шу йил 21 апрелда бўлиб ўтади.
Изоҳ (0)