Актёр Алан Рикман вафот этди. У 69 ёшда эди, дея хабар бермоқда Meduza.
The Guardian’нинг хабарига кўра, актёрнинг оила аъзолари унинг ўлимини тасдиқлаган. Рикман саратон хасталигидан азият чекаётган эди.
Алан Рикман актёрлик фаолиятини театрда бошлаган бўлиб, 1978 йилдан фильмларда суратга туша бошлаган, овозлаштириш ишларида қатнашган. Унга асосан салбий қаҳрамонларни жонлантириш ишониб топширилган.
Рикманнинг «Чақилмас ёнғоқ» фильмидаги террорчи Ханс Грубер, «Робин Гуд: қароқчилар шаҳзодаси» фильмидаги Ноттингем шерифи роллари анча машҳур.
Ёш авлод вакиллари Алан Рикманни асосан Гарри Поттер ҳақидаги киносага орқали танийди — мазкур фильмлар кетма-кетлигида у профессор Северус Снегг ролини гавдалантирган.
Рикманнинг аксарият мухлислари актёрнинг муваффақиятлари асосий омили сифатида унинг нутқини кўрсатади. У ноодатий тембрдан ташқари, ўзига хос нутқ услубига эга эди ва инглиз тилида аъло даражада гапирарди.
Изоҳ (0)