«Ўзбеккино» Миллий агентлиги раҳбари ўзгарди. Агентлик матбуот хизматининг маълум қилишича, шу вақтгача Ўзбекистон Президенти Девони масъул ходими лавозимида ишлаб келган Отабек Мусаев агентликнинг янги бош директори этиб тайинланди.
2014 йил 26 декабрдан буён «Республика кинофонди» директори Аҳмаджон Умаров «Ўзбеккино» Миллий агентлиги бош директори вазифасини вақтинча бажарувчи сифатида ишлаб келаётган эди. У агентликнинг собиқ бош директори, таниқли режиссёр Жаҳонгир Қосимов ўрнини эгаллаганди.
Отабек Мусаев бунгача Ўзбекистон маданият ва спорт ишлари вазири ўринбосари сифатида ишлаган. Профессионал тележурналист ҳисобланган Мусаев бир қатор фильмлар муаллифи, «Культура.уз» нашри маълумотларига кўра, Спорт киноси ва телевидениеси федерацияси раҳбари, шунингдек, қатор давлат буюртмасига асосан олинган ва хусусий киностудияларида ишланган фильмларда суратга тушган.
Изоҳ (0)