Brodveyda ikki yirik IT-kompaniya — Microsoft va Apple hamda uning asoschilari Bill Geyts va Stiv Jobs raqobati haqida hikoya qiluvchi Nerds myuzikli namoyish etiladi. Bu haqda “Hi-tech.mail.ru” xabar bermoqda.
Myuzikl IT-kompaniyalar haqida bo‘lgani uchun tashkilotchilar tomoshada zamonaviy texnologiyalardan foydalanishga harakat qilgan. Jumladan, gologrammalar va muxlislarga o‘zaro muloqotda bo‘lish hamda tomoshani boshqarishga imkon beruvchi maxsus mobil dasturlardan foydalanish ko‘zda tutilgan.
Garchi myuzikl qancha muddat davomida namoyish etilishi hozircha noma’lum bo‘lsa-da, chiptalar sotuvga chiqarilgan. Ilk taqdimot Nyu-Yorkdagi Longacre Theatre’da shu yil 21-aprelda bo‘lib o‘tadi.
Izoh (0)