Равшан Эрматов: «Реал»га ҳам, «Барселона»га ҳам мухлислик қилмайман, фақат бир жамоа ишқибозиман

Таниқли ФИФА рефериси Равшан Эрматов қайси футбол жамоасига мухлислик қилишини маълум қилди, дея хабар бермоқда RedPen.

«‘Қайси жамоага мухлислик қиласиз, ‘Реалъгами, ‘Барсаъга?’, деб тез-тез сўраб туришади. Мен Ўзбекистон миллий терма жамоасидан бошқа ҳеч бир жамоага ишқибозлик қилмайман. Олимпия термаси бўладими, ёшлар ёки ўсмирлар — фарқи йўқ, Ўзбекистоннинг барча терма жамоаларига ишқибозлик қиламан», — деди Равшан Эрматов.

Эрматовнинг сўзларига кўра, у нафақат футбол бўйича, балки бошқа спорт турлари бўйича Ўзбекистон жамоалари ва ўзбекистонлик спортчиларга ҳам мухлислик қилади.

«Миллий терма жамоа либосини кийиш ва ўз Ватанинг шаънини ҳимоя қилиб, майдонга чиқиш — катта шараф. Мусобақаларда қатнашаётган спортчиларимиз уларга халқ умид билан қараб турганини ёдда сақлаши ва уларнинг иштироки бутун бир мамлакатнинг кайфиятига таъсир қилишини ҳис қилишлари шарт», — дея қўшимча қилди Равшан Эрматов.