Лионель Месси: 5 та «Олтин тўп» ҳақида болалигимда ҳатто орзу ҳам қилмаганман
Аргентина терма жамоаси ва «Барселона» ҳужумчиси Лионель Месси футболда эришган ютуқлари ҳақида болалигида ҳатто орзу ҳам этмаганини маълум қилди. Бу ҳақда «Спорт Экспресс» хабар бермоқда.
«Бу саҳнада бўлиш мен учун жуда аҳамиятли, — дея таъкидлаган Месси 11 январь куни Цюрихда бўлиб ўтган жаҳоннинг энг яхши футболчисини тақдирлаш маросими чоғида. —Томошабинлар орасида туриб Криштианунинг ғалабасини кузатгандан сўнг яна «Олтин тўп»ни қўлга киритиш... Бешинчи бор мукофотни олаётганимга ўзимнинг ҳам ишонгим келмайди. Бу болаликда орзу қилганимдан ҳам зиёда бўлди. Футбол мен учун тақдим этган барча нарсалар — яхшиси учун ҳам, ёмони учун ҳам миннатдорчилик билдирмоқчиман. Чунки футбол туфайли ўсяпман, ўқияпман».
Эслатиб ўтамиз, Лионель Месси Криштиану Роналду ва Неймарни ортда қолдириб, бешинчи бор (2009, 2010, 2011, 2012 ва 2015 йиллар) «Олтин тўп» мукофотини қўлга киритди.
