Уэнделл Лиранинг «Атлетико-ГО» дарвозасига киритган тўпи «Йил голи» деб тан олинди (видео)

Бразилиянинг «Гоянесиа» футбол клуби собиқ ҳужумчиси Уэнделл Лиранинг Бразилия биринчилиги доирасида «Атлетико-ГО» дарвозасига урган голи мухлислар томонидан «Йил голи» деб топилди ва ФИФА томонидан Ференц Пушкаш мукофоти билан тақдирланди.

2015 йилнинг энг чиройли голи

Уэнделл Лира мазкур голни 2015 йил 11 мартида, жамоасининг ажойиб ва такрорланмас ҳужумидан сўнг, қайчи услубида киритган. «Википедия» маълумотларига кўра, мазкур голни урганидан сўнг, 27 ёшли ҳужумчи икки марта жамоасини ўзгартиришга ҳам улгурган.

«Йил голи» мақомига, Лиранинг голидан ташқари, Лионель Мессининг «Атлетик Бильбао» дарвозасига ва Римнинг «Рома» клуби ҳимоячиси Алессадро Флоренцининг «Барселона» дарвозасига урган голлари ҳам даъвогарлик қилганди.

ФИФА матбуот хизмати ахборотига кўра, овоз бериш жараёнида 1,6 миллиондан ортиқ ишқибоз қатнашган. Иштирокчиларнинг 46,7 фоизи Лиранинг голига, 33,3 фоизи Мессининг, 7,1 фоизи Флоренцининг голига овоз берган.

Лионель Мессининг «Атлетик Бильбао»га урган голи

Алессандро Флоренцининг «Барселона»га урган голи

• Погба, Иньеста, Неймар, Месси ва Роналду ФИФАнинг йил рамзий терма жамоасидан ўрин олди

• «Барселона» устози Луис Энрике ФИФА томонидан йил мураббийи деб топилди

• Қочоқларни қўллаб-қувватлаган футбол уюшмалари ва клублари ФИФАнинг Fair Play мукофоти билан тақдирланди