ФИФА 11 январь куни Цюрихда ташкил этилган «Олтин тўп» тақдимотида 2015 йил якунларига кўра йил рамзий терма жамоасидан ўрин олган футболчилар номини эълон қилди.
Таркибдан ўрин олган 11 футболчининг 8 нафари Испания чемпионати (4 нафари «Реал Мадрид»да, қолган 4 нафари «Барселона»да), қолган уч футболчининг бири Франция, бири Германия ва яна бири Италия чемпионатида тўп суради.
Йил рамзий терма жамоасидан қуйидаги футболчилар ўрин олган:
Дарвозабон — Мануэль Нойер (Германия терма жамоаси; «Бавария» (Германия));Ҳимоячилар — Дани Алвеш (Бразилия; «Барселона» (Испания)), Тиаго Силва (Бразилия; «ПСЖ» (Франция)), Серхио Рамос (Испания; «Реал Мадрид» (Испания), Марсело (Бразилия; «Реал Мадрид»);
Ярим ҳимоячилар — Андрес Иньеста (Испания; «Барселона»), Лука Модрич (Хорватия; «Реал Мадрид»), Пол Погба (Франция, «Ювентус»);
Ҳужумчилар — Криштиану Роналду (Португалия; «Реал Мадрид»), Неймар (Бразилия; «Барселона»), Лионель Месси (Аргентина; «Барселона»).
«Олтин тўп» тақдимотида, шунингдек, йилнинг энг яхши голи муаллифи номи, йилнинг энг яхши эркаклар ва аёллар жамоаси мураббийи номи ҳамда йилнинг энг яхши эркак ва аёл футболчиси номи эълон қилиниши ҳам кутилмоқда.
Изоҳ (0)