ФИФА қочоқларни қўллаб-қувватлаган барча футбол ташкилотларини Fair Play («Ҳалол ўйин») мукофоти билан тақдирлашга қарор қилди. Бу ҳақда 11 январь, душанба куни Швейцариянинг Цюрих шаҳрида ташкил этилган «Олтин тўп» тақдимотида эълон қилинди.
Маълумот учун, бир қатор Осиё ва Африка мамлакатларидаги нотинч вазият туфайли қочоқлар ва муҳожирлар 2015 йилнинг энг асосий ва оғриқли мавзуларидан бирига айланди.
Европа мамлакатлари бир неча юз минглаб қочоқларни қабул қилди. Уларни ижтимоий қўллаб-қувватлашда миллий футбол уюшмалари, футбол клублари ва умуман футбол жамоатчилиги ҳам фаол иштирок этди.
Изоҳ (0)