Лос-Анжелесдаги (АҚШ) «Беверли Хилтон отел» меҳмонхонасида 10 январь, якшанба куни нуфузи бўйича «Оскар»дан кейинги ўринда турувчи кино ва телевидение соҳасидаги «Олтин глобус» мукофотининг 73-тақдирлаш маросими бўлиб ўтди. Бу ҳақда «Коммерсантъ» хабар бермоқда.
Маросимдаги илк ҳайкалчани «Иккинчи пландаги энг яхши актриса» номинациясида британиялик актриса Кейт Уинслет «Стив Жобс» фильмидаги роли учун қўлга киритди. Мазкур номинацияга Женнифер Жейсон Ли, Хелен Миррен, Алисия Викандер ва Жейн Фонда ҳам даъвогарлик қилганди.
«Энг яхши комедия сериали» йўналишида «Чангалзордаги Моцарт» мукофотга лойиқ кўрилди. «Ақлдан озган собиқ маъшуқа» сериалидаги роли учун Рэйчел Блум «Комедия сериалининг энг яхши актрисаси» дея тан олинди.
Изоҳ (0)