Хонанда Али Отажонов учун кинода суратга тушиш — хобби. Бу ҳақда у «Суғдиёна» газетасига берган интервьюсида айтиб ўтди.
«Мен учун кино, бу — хобби. Биламан, бу иш қўлимдан келади, шунинг учун ҳам шуғулланяпман. Аммо актёрликка даъвогарлик қилмайман», — деди хонанда.
Унинг сўзларига кўра, у кинони «йиллар ўтганидан кейин, ролларни кўриб, яхши кунларни эслаш учун бир манба», деб ўйлайди.
«Асосийси, талаб бор. Шу кунгача бировдан: ‘Бу ролни ёмон ўйнабсан’, — деган гап эшитганим йўқ. Шу муносабат ҳам суратга тушишимга туртки бўлаётгандир», — дея қўшимча қилди Али Отажонов.
Изоҳ (0)