Facebook Дания пойтахти Копенгагендаги машҳур «Сув париси» ҳайкали тасвирини блокировка қилди. Бу ҳақда «Газета.ru» хабар бермоқда.
Дания қишлоқ хўжалик вазири Метте Герсков Facebook’даги саҳифасида ёзганларига ҳайкал суратини илова қилмоқчи бўлган, бироқ рад жавоби олган. Ижтимоий тармоқ маъмурлари буни «Сув париси» «ҳаддан зиёд яланғоч» эканлиги билан изоҳлаган. Кейинчалик тасвирни чоп этишга муваффақ бўлган вазир мазкур ҳолатни «бемаънилик» деб атади.
2015 йил мартида Facebook ижтимоий тармоқда очиқ тасвирлар блокировка қилиниши ҳақида хабар берган, бироқ ўшанда яланғоч таналар акс эттирилган тасвирий санъат, ҳайкалтарошлик намуналари ва бошқа бадиий асарлар ҳақида гап кетмаганди. Эндиликда мазкур қоидалар ҳатто шундай турдаги тасвирларга ҳам тааллуқли эканлиги билдирилмоқда.
Изоҳ (0)