Муҳаммад Раҳмон ва унинг рафиқаси Сана Аҳмед Хон Британия пойтахтида йирик терактни амалга оширишни режалаштиришда айбдор деб топилди. Бу ҳақда «ТАСС» хабар бермоқда.
Улар ўзларининг акциясини 2005 йил 7 июлдаги воқеаларнинг 10 йиллига арафасида амалга оширмоқчи бўлган.
25 ёшли Муҳаммад худкушга айланиши лозим эди. 24 ёшли Сананинг молиявий қўллаб-қувватлаши остида Муҳаммад Рединг шаҳридаги уйида кучли бомба ясаш учун керакли бўлган кимёвий препаратларни йиғган. У ҳатто боғида кичик портлаш акс этган ҳолатни тасвирга туширган.
Twitter’да Silent Bomber исми билан пайдо бўлган Муҳаммад Лондондаги қайси объектни портлатиш тўғрисида фойдаланувчиларга мурожаат қилади. Раҳмон ўз ниятини амалга оширишидан бир неча кун олдин полициянинг аксилтеррорга қарши бўлинмаси томонидан қўлга олинди.
Маълумот учун. 2005 йил 7 июлда тўрт нафар худкуш Лондон метросидаги учта поездда ва бир йўловчи автобусида портловчи қурилмани ҳаракатга келтирган. Портлашлар натижасида 52 киши ҳалок бўлган, 700 дан ортиқ киши яраланган.
Изоҳ (0)