Россия президенти Владимир Путин капиталлар амнистиясини яна ярим йилга узайтириш тўғрисидаги қонунни имзолади, деб хабар беради «РБК».
Ҳужжатга кўра, капиталлар амнистияси 2016 йил 1 июлга қадар амал қилади. Ҳужжат Давлат думаси томонидан 22 декабрда қабул қилинган ва Федерация Кенгаши томонидан 25 декабрда маъқулланган эди.
Гап «Жисмоний шахсларнинг банклардаги активлар ва ҳисобларини ихтиёрий равишда декларация қилиши» ҳақидаги қонун ҳақида бормоқда. У 2015 йил 1 июлда кучга кирган эди. Унга кўра, россияликлар 31 декабрга қадар солиқ органларига Россиядан ташқаридаги мулки ва банклардаги ҳисоблари ҳақида маълумот бериши керак эди. Бунинг эвазига улар жиноий, маъмурий ва солиққа оид жавобгарликдан озод этилади.
Аммо ушбу имкониятдан фойдаланишни истаганлар кўпчиликни ташкил этмади. Амнистиянинг дастлабки уч ойида солиқ органларига 150—170 та ариза келиб тушди.
Изоҳ (0)