Алишер Усмонов компаниялари Хитойда инвестицияларни сақлаб қолиб, Ҳиндистон бозорига ҳам маблағ киритишни бошлади. Бу ҳақда миллиардер «Россия 24» телеканалига берган интервьюсида маълум қилди, дея хабар беради «Вести».
«Хитойдаги активларга инвестицияларни шартли равишда стратегик ва молиявийга бўлиш мумкин. Масалан, Xiaomi смартфонлари ишлаб чиқарувчисига анчайин катта миқдорда маблағ киритдик. Ҳозир у Хитойда бу йўналишда деярли биринчи ўринда. Иккинчи компания — ‘JD.com’ интернет-савдо майдони. У ерга ҳам катта инвестициялар киритилган, улар бир неча баробар кўпайди», — дея таъкидлаган сармоядор. Усмоновнинг холдинги Alibaba интернет-ритейлерига ҳам молиявий инвестициялар киритди: бу ерда USM Holdindgs дастлаб қўйган маблағ 5-6 маротаба ошди.
«Ҳиндистон бозорига ҳам синов тариқасида инвестициялар киритяпмиз. Биз бу бозорга ва иқтисодий ўсишга ишонамиз. Мазкур лойиҳаларда ҳам омадимиз келишига кўзим етиб турибди», — дея маълум қилган миллиардер.
Изоҳ (0)