2000 йил кириб келганда, барча компьютерлар ўчиб қолиб, охир замон бўлиши ҳақида қўрқинчли овозалар тарқалганди. Бундай бўлиб чиқмаганини ҳамма билади. Аммо канадалик Норман Феллер узоқ вақтгача бундан бехабар эди, деб хабар қилади «Сегодня.ua».
Феллер 2000 йил кириб келиши билан қиёмат бўлишига ва фақат ер остида жон сақлаш мумкинлигига ишонган одамларнинг кичик гуруҳи аъзоси эди. Улар яна сайёра ҳаёт учун яроқли бўлиши учун 15 йил керак бўлади, деб ҳисоблаган.
Шу сабабли 44 ёшли Норман Янги йил арафасида орқа ҳовлисида узоқ вақт ўзи тайёрлаган бункерга тушган ва у ерда деярли 14 йил қолиб кетди. Аниқроқ айтадиган бўлсак, бункерда 5006 кун яшади.
Ер юзига чиққанидан кейин Феллер ҳаётининг катта қисмини йўқотганини тушунди. Кўп нарсалар деярли ўз ҳолича қолганини кўриб, ҳайратга тушди. Унинг уйи ўзгармаган эди, автомобили эса гаражда турарди. Телевизор орқали эса «Симпсонлар» мультфильми ҳали ҳам эфирга узатилаётганди… Аммо одамлар билан суҳбатлашиб, шаҳар бўйлаб сайр қилиб, анча-мунча нарса ўзгарганини тушуниб етди: ҳар бир одамнинг қўлида мобил телефонлар бор, китоб ва мусиқа дўконлари эса қаергадир йўқолиб қолганди…
Норман бункердаги ҳаётигача умр йўлдоши бўлган Деббининг янги эри билан танишишига тўғри келди. Норман қайтганидан сўнг кечирим сўрашга уринди, бироқ унинг узри қабул қилинмади.
«Биз ҳаммамиз олам ҳалокатга учрашидан хавотирланишни бас қилиб, шунчаки яшашимиз кераклигини тушундим», — деди 14 йил узлатда яшаган Норман.
Изоҳ (0)