29 декабрга ўтар кечаси ҳаво ҳарорати Фарғона водийсида -3, Қорақалпоғистон ва Хоразмда -5 даражагача совийди

Ўзбекистоннинг барча ҳудудларига 29 декабрь куни туман тушиши кутилмоқда. Бу ҳақда Вазирлар Маҳкамаси ҳузуридаги Гидрометеорология хизмат маркази («Ўзгидромет») хабар берди.

Қорақалпоғистон Республикаси, Хоразм, Бухоро ва Навоий вилоятларида шамол тезлиги сониясига 15—20 метргача тезлашиши кутилмоқда, бошқа барча ҳудудларда шамол ғарбдан сониясига 7—12 метр тезликда эсади.

Фарғона водийси вилоятларида ҳарорат 29 декабргача ўтар кечаси -3 даражагача, Қорақалпоғистон Республикаси ва Хоразм вилоятида -5 даражагача, тоғли ҳудудларда эса -10 даражагача совиши мумкин, қолган ҳудудларда 0...+5 даража илиқ бўлади.

29 декабрь куни кундузи ҳаво ҳарорати Ўзбекистон бўйлаб +3...+15 даража илиқ бўлади, тоғли ҳудудларда эса -2...+3 оралиғида бўлади.

Аввалроқ, 28 декабрь — 1 январь кунлари Ўзбекистоннинг тоғли ҳудудларида қор кўчиши хавфи борлиги ҳақида хабар берилган эди.