Москва АҚШнинг сўрови бўйича учинчи мамлакатларда россияликларнинг ҳибсга олинишига йўл қўйиб бўлмайди деб ҳисоблайди ва РФ фуқароларининг ҳуқуқларини қатъий ҳимоя қилади. Бу ҳақда РФ Ташқи ишлар вазирлигининг инсон ҳуқуқлари, демократия ва ҳуқуқнинг устунлиги масалалари бўйича вакили Константин Долгов маълум қилди, деб хабар беради «ТАСС».
«Айни вақтдагача биз Россия фуқароларини учинчи мамлакатларда ҳибсга олиш ва АҚШга экстрадиция қилиш учун Америка ҳукумати томонидан 21 та ордер бериш ҳолатини қайд этдик. Энг охирги ҳолат 19 декабрь куни Финляндияда Россия фуқароси Юрий Ефремов билан қайд этилди», — деди Долгов.
«Халқаро ҳуқуқ нормаларига, жумладан 1999 йилда имзоланган жиноий ишлар бўйича ўзаро ҳуқуқий ёрдам тўғрисидаги шартномага зид бўлган бундай амалиётга йўл қўйиб бўлмайди. Ўз фуқароларимизнинг ҳуқуқларини Россия — Америка линиялари орқали ҳам, «учинчи» мамлакатлар иштирокидаги икки томонлама каналлар орқали ҳам, бундан ташқари, халқаро институтлар ёрдамида қатъий ҳимоя қиламиз», — деди ТИВ вакили.
Долговнинг қайд этишича, АҚШ қамоқхоналарига тушган рус фуқароларига ёрдам бериш ишлари давом эттирилади.
Изоҳ (0)