Ўзбекистон ва Тожикистон мулоқоти, 100 дан ортиқ одамни ўлдирган портлаш, кўмилиш арафасида турган Ленин ва куннинг бошқа муҳим янгиликлари

«Дарё»да доимий рукн — ҳар иш куни энг муҳим янгиликларнинг кечки дайжести бериб борилади.

1. Душанбеда Ўзбекистон ва Тожикистон ўртасида сиёсий маслаҳатлашувлар бўлиб ўтди. Учрашувда мавжуд муаммоларни аниқлаш ва уларни ҳал қилиш йўлларини излаш имконини яратувчи мунтазам сиёсий маслаҳатлашувлар ўтказиш муҳимлиги таъкидланди.

2. Янги йил байрами арафасида Ўзбекистон Ички ишлар вазирлиги хавфсизлик чора-тадбирларини амалга оширмоқда. Байрам тадбирлари ўтказиладиган майдонлар атрофидаги йўллар ва йўл белгилари кўздан кечирилиб, камчиликлар бартараф этилмоқда.

3. Нигериядаги заводда юз берган портлаш оқибатида 100 дан ортиқ киши ҳалок бўлди. Портлаш ва ундан кейинги ёнғин шунчалик кучли бўлдики, яқин атрофдаги уйларда яшовчи аҳоли ва ўтиб кетаётган одамлардан ҳам қурбонлар бор.

4. Россия Давлат думаси Ленинни дафн этиш тўғрисидаги қонун лойиҳасини кўриб чиқади. Жасадни мақбарадан олиб, пойтахтдаги қабристонлардан бирига кўчириш таклиф этилмоқда.

5. Москва метроси бекатини ўзбек мармаридан қуришди. 24 декабрь, пайшанба куни Москвада «Бауманская» метро бекати капитал таъмирдан сўнг очилди.