Украинанинг Полтава шаҳрида дайди ит 20 ёшли талаба қизни ўлимдан қутқариб қолди, дея хабар бермоқда «НТВ».
Автомобилчи ўқишга кетаётган қизни уриб юборгач, уни ўрмонга олиб бориб, ўша ерда қолдириб кетди. Жонивор ҳали тирик бўлган қизни ёрдам етиб келгунича ўз танаси билан иситиб турди.
Полтава вилояти Миллий полиция бош бошқармаси бошлиғи сўзларига кўра, қизни топиб олишганида ҳаво жуда совуқ бўлган. Қиз ёнида дайди ит бўлгани туфайлигина омон қолган. Ит унинг қўнжига кириб, ўз тафти билан қиздирган.
Жабрланувчининг аҳволи ҳақида хабар берилмаяпти. У жиддий жароҳатлар олгани маълум, холос. Йўл-транспорт ҳодисаси айбдори қидирилмоқда.
Изоҳ (0)