Приморьенинг сафари боғида дўстлашиб қолган эчки Тимур ва йўлбарс Амурнинг хулқи кейинги вақтларда бироз ўзгариб, биргаликда кам вақт ўтказадиган бўлди. Бу ҳақда «Интерфакс» хабар қилмоқда.
«Кейинги кунларда уларнинг юриш-туриши ўзгарди. Улар кун давомида биргаликда сайр қилмаяпти. Лекин эрталабдан, зериккандан кейин, бир-бири билан учрашганига хурсанд бўлади. Тимур сакраб югуриб йўлбарснинг олдига келади. Шунингдек, Тимур илгаригидек доим Амурнинг орқасидан дум бўлиб юрмай қўйди», ― деди сафари боғининг директори Дмитрий Мезенцев.
Тушлик қилиш учун Амурга тирик ўлжа, шу жумладан, ҳафтасига икки маротаба қуён берилаяпти. Эндиликда йўлбарс эчки билан боқилмаяпти. Мутахассисларнинг фикрича, йиртқичнинг овқатланиш режимини шу тартибда сақлаб қолиш керак.
Эслатиб ўтамиз, машҳур бўлиб кетган дўстлар – йўлбарс Амур ва эчки Тимурнинг ижтимоий тармоқлардаги шахсий саҳифалари, интернет-дўкони ва алоҳида латифалар саҳифаси очилган эди.
Изоҳ (0)