«Дарё»да доимий рукн — ҳар куни энг муҳим янгиликларнинг кечки дайжести бериб борилади.
1. Рустам Азимов: Ўзбекистон ШҲТ доирасида эркин савдо ҳудудини ташкил этиш таклифини кўриб чиқишга тайёр эмас. Айтишларича, бундай савдо ҳудудини ташкил этиш ташкилотнинг 2025 йилгача мўлжалланган ривожланиш стратегиясида ҳам назарда тутилмаган.
2. Ўзбекистон фуқаролигидан чиқаётганларга ҳарбий хизматдан озод этиш ҳақида маълумотнома берилади. Куннинг энг оммабоп хабарларидан бири бу.
3. Тошкентдаги кўп қаватли турар-жойлар, маҳалла ва мавзеларда видеокузатув мосламалари ўрнатилади. Бундан кўзланган мақсадлардан бири — «турли жиноий унсурларнинг ҳаракатларига чек қўйиш ҳамда аҳоли хавфсизлигини таъминлашдир».
4. Алишер Усмонов янгиликлари: Алишер Усмонов Россияда маданият ва санъат соҳасида «Йил ҳомийси» деб топилди, Алишер Усмонов сўнгги етти йилда Халқаро қиличбозлик федерациясига 34 миллион евро ажратди, Алишер Усмоновнинг холдингига «CTC Media»нинг активларини сотиб олишга рухсат берилди.
5. Финляндиялик йигит ҳаво шаридан парашютсиз сакради. Сиз — ортингиздан қувиб, қутқариб қола оладиган дўстларингиз борлигини билмагунингизгача — бундай қила кўрманг. Шундай дўстларингиз бўлса ҳам, яхшиси, бундай қилманг.
Изоҳ (0)