Фарзандингиз ўз вақтини компьютер ёки телевизор олдида ўтказмасдан, ижодкорликни ривожлантирувчи бирор тўгаракка қатнаб, ҳеч бўлмаганда расм чизишни ўрганишини хоҳлайсиз, албатта. Айни вақтда, фарзандингиз билан ёнма-ён тарзда болаликнинг сеҳрли оламига сайр қилиб, ушалмаган болалик орзуларингизни рўёбга чиқаришингиз мумкин.
«Пикассо» арт-студияси — ҳар кунлик туганмас ташвишлар ва ечилмаган масалаларни бир чеккага қўйиб, қисқа фурсатга бўлса-да, болалик дунёсига қайтиш имконини берувчи маскандир.
Ўқитувчи раҳбарлигидаги икки соатлик маҳорат машғулотлари давомида ёрқин бўёқлар оламига шўнғиб, ёқимли ижодий муҳитда 50×40 сантиметрлик холстга муаллифи ўзингиз бўлган шедеврни туширишингиз мумкин.
Иссиқ чой ва ширинликлар улашиш билан бирга олиб бориладиган машғулотлар давомида олинган ижобий ҳиссиётлар қуввати эса хурсандчилигингизни ўз яқинларингиз билан баҳам кўришга ва оилангиз даврасида ҳақиқий байрамона кайфиятни уйғотишга бемалол етади.
Болакайлар эса, танланган суратга қараб, 40×30 ёки 35×35 сантиметрли холстларга такрорланмас тасвирий асарларини муҳрлайди. Холстга расм чизиш бўйича маҳорат машғулотларидан ташқари, болажонлар учун тасвирий санъат тўгараги ҳам фаолият олиб боради.
«Пикассо» арт-студиясидаги тасвирий санъат тўгараги расм чизиш (гуаш, акварел, қаламларда), аппликация (ранг-баранг қоғоз ёки мато парчаларини бирор нарсага ёпиштириб ёки тикиб нақш, гул ҳосил қилиш), кулолчилик ва квиллинг (металл ва пластик материаллардан шакллар ясаш) машғулотларини ўз ичига олган.
Студия ҳақидаги қўшимча маълумотни унинг сайтидан (www.picasso.uz) ёки (+99890)-989-25-77 телефон рақами орқали олиш мумкин. «Пикассо» ҳақидаги фикрлар билан эса нафақат унинг сайтида, балки Facebook ижтимоий тармоғидаги саҳифасида ҳам танишиш мумкин.
Реклама ҳуқуқи асосида
Изоҳ (0)