Elite Design савдо белгиси 14 декабрь куни Тошкентда Emiliana Parati (Италия) фабрикасининг янги — Blumarine деб номланган гулқоғозлар коллекцияси тақдимотини ўтказди.
Янги йил байрами арафасида ташкил этилган, кўнгилочар-дам олиш руҳида ўтказилган тадбирда Elite Design савдо белгисининг асосий ҳамкорлари — дизайнерлар, қурилиш ташкилотлари ва савдо тармоқлари вакиллари, шунингдек, кенг жамоатчилик оммаси — харидорлар иштирок этди.
Тақдимот меҳмонлари Elite Design савдо белгиси остидаги дўконлар тармоғида харидорларга таклиф қилинаётган, Европа мамлакатларининг етакчи ишлаб чиқарувчилари томонидан тайёрланган гулқоғозлар, ламинатлар, елим маҳсулотлари, шунингдек, экслюзив пардалар билан танишиш имконига эга бўлди.
Тадбирнинг асосий қисмида Италиядан ташриф буюрган Emiliana Parati фабрикаси вакиллари Blumarine гулқоғозлар тўпламини тақдим этди. Мазкур гулқоғозлар тўплами ўзининг юқори сифати ва дизайнининг оригиналлиги билан ажралиб туришига алоҳида урғу берилди. Йиғилганлар янги маҳсулот деворнинг чиройини қай даражада очишини томоша қилиш имкониятига эга бўлди.
Мусиқий шоу дастури йиғилганларга хуш кайфият улашган бўлса, Elite Design савдо белгиси томонидан ташкил этилган совринли танловлар ғолибларига топширилган совғалар тадбирга ҳақиқий Янги йил руҳини олиб кирди.
Elite Design — Тошкент шаҳридаги дўконлар тармоғи бўлиб, ўз харидорларига Европанинг етакчи ишлаб чиқарувчилари томонидан тайёрланган 3000 минг хилдан ортиқ гулқоғозлар, ламинат, паркет тахталари, қоплама маҳсулотлари, элит пардалар ва «люкс» таснифидаги фабрикаларнинг эксклюзив матоларини таклиф қилади.
Таъкидлаш жоизки, Elite Design’нинг халқаро савдо ҳамкорлари орасида, нафақат Италия, балки Англия, Бельгия, Германия, Жанубий Корея, Хитой ва Россиянинг етакчи фабрикалари бор.
Реклама ҳуқуқи асосида
Изоҳ (0)