Хонанда Абдулла Қурбонов «Даракчи» газетасига берган интервьюсида «бугун қатиқни ҳам пуфлаб ичаётганини маълум қилди.
«Шуни алоҳида таъкидлашингизни сўрайман: осойишталигимиз посбонларини турли ноўрин гап-сўзлар билан хафа қилганимдан минг карра афсусдаман», — деди Абдулла Қурбонов.
«Кечани кеча, кундузни кундуз демай бизнинг хавфсизлигимиз учун ҳушёр туришибди. Улар борки, биз бугун тинч юртда яйраб яшаяпмиз», — деди хонанда.
«Кўр ҳассасини бир марта йўқотади, дейишади. Мен ҳам бундай хатоликка бошқа йўл қўймайман», — дея қўшимча қилди хонанда Абдулла Қурбонов.
Аввалроқ, лицензиясини қайтариб бергани учун Абдулла Қурбонов «Ўзбекнаво»дан миннатдор эканлигини маълум қилгани ҳақида хабар берилган эди.
Изоҳ (0)