Хонанда Лола Йўлдошева ўзининг хонандалик лицензияси билан боғлиқ вазиятдан миннатдор эканлигини маълум қилди. Бу ҳақда у RedPen нашрига берган интервьюсида айтиб ўтди.
«Лицензия билан боғлиқ ҳолатдан миннатдорман, у мендаги аёлликни уйғотишга ёрдам берди. Чунки ғилдирак ичидаги олмахонга ўхшаб югураётганингда, яшашга улгурмайсан», — деди хонанда.
«Концертлар, иш, янги альбомлар, дастурлар — буларнинг ҳеч бири тўхтаб, атрофга назар ташлашга, йиллар ўтиб кетаётгани ва сенда бошқа ҳаёт ҳам борлигини эслашга имкон бермайди», — деди Лола.
«Менда чуқур нафас олиб, ҳаётда аслида нимани хоҳлаётганим ҳақида ўйлаб кўришга фурсат бўлди», — дея қўшимча қилди Лола Йўлдошева.
Маълумот учун, 2015 йилнинг июль ойида «Ўзбекнаво» эстрада бирлашмаси Лоланинг лицензиясини тугатилганини эълон қилган ва бунга изоҳ берган эди.
Изоҳ (0)