Ford 2020 йилгача электромобиллар ишлаб чиқаришга 4,5 млрд доллар маблағ киритади

Американинг Ford корпорацияси электромобиллар яратиш ва ишлаб чиқаришга 2020 йилгача 4,5 миллиард доллар қўшимча маблағ киритади. Бу ҳақда «ТАСС» компания пресс-релизига таяниб, хабар беради.

Бунда Ford электромобилнинг 13 та моделини қўшиш орқали 2020 йилгача шахсий модель сафидаги улушини 40 фоизгача ошириш ниятида.

Шунингдек, компания 2016 йил якунига қадар 30 дақиқада 80 фоизгача қувватланувчи ҳамда қуввати 160 километргача етувчи Focus Electric электромобилининг янги версиясини ишлаб чиқаришни режалаштирмоқда.