«Шимолий Америкада йилнинг энг яхши енгил автомобили ва йўлтанламаси» (North American Car and Truck/Utility of the Year) 23-танлови ташкилотчилари 2016-модель йилида ушбу номларга даъвогарлик қилаётган олтита финалчини эълон қилди, деб ёзади Motor. Якуний натижалар январь ойида Детройт автосалонида маълум бўлади.
Енгил машиналар орасида энг яхши деган ном учун Chevrolet Malibu седани, Honda Civic оиласи ва Mazda MX-5 родстери кураш олиб боради.
Энг яхши йўлтанламас номига даъвогарлар эса Япониянинг Honda Pilot ва Nissan Titan XD ҳамда Швециянинг Volvo XC90 автомобиллари бўлди.
Танловда Шимолий Американинг 56 нафар автомобиль журналистлари ва экспертлари ҳакамлик қилади. Овоз бериш 4 январда бўлиб ўтади, ғолиблар 11 январда эълон қилинади.
Изоҳ (0)