АҚШ НАТО учун мўлжалланган ракетага қарши мудофаа тизими SM-3 ракета-тутувчисини муваффақиятли синовдан ўтказди. Бу ҳақда Пентагон қошидаги Ракетага қарши мудофаа агентлиги томонидан 10 декабрь, пайшанба куни тарқатилган маълумотга таяниб, «ТАСС» хабар беради.
Ракетага қарши мудофаа агентлиги АҚШ Ҳарбий-денгиз кучлари Тинч океани қўмондонлиги ҳамда АҚШ Ҳарбий кучлари Европа қўмондонлиги билан ҳамкорликда ракета тутиш бўйича биринчи синовни муваффақиятли амалга оширди, дейилади хабарда.
Агентликнинг таъкидлашича, 9 декабрь, чоршанба куни бўлиб ўтган синов давомида C-17 Америка стратегик ҳарбий-транспорт самолёти ўқув баллистик ракетасини океан бўйлаб Америка штатидан жануби-ғарбга учирди. Нишон радар томонидан аниқлангандан сўнг, Aegis тизими томонидан учирилган SM-3 томонидан уриб туширилган.
Изоҳ (0)