Лос-Анжелесда кино ва телевидение соҳасидаги нуфузли мукофот саналадиган «Олтин глобус» (Golden Globe Award) номинантлари эълон қилинди. Бу ҳақда «ТАСС» хабар бермоқда.
Бош ролларни Кейт Бланшетт ва Руни Мара ижро этган «Кэрол» фильми бирйўла беш номинацияда мукофотга даъвогарлик қилмоқда. Фильмнинг ўзи «Энг яхши тўлиқ метражли фильм-драма», икки актриса «Драматик фильмнинг энг яхши актрисалари», Тодд Хейнс «Энг яхши режиссёр», фильмга басталанган мусиқа эса «Энг яхши фильм мусиқаси» номинацияларига киритилди. «Кэрол»нинг дунё миқёсидаги премьераси шу йил Канн кинофестивалида бўлиб ўтганди.
Номинантларни Голливудда аккредитациядан ўтган хорижий журналистлар ассоциацияси (Hollywood Foreign Press Association - HFPA) танлади. Мукофотларни топшириш маросими 2016 йил 10 январда бўлиб ўтади.
Изоҳ (0)