Los-Anjelesda kino va televideniye sohasidagi nufuzli mukofot sanaladigan “Oltin globus” (Golden Globe Award) nominantlari e’lon qilindi. Bu haqda “TASS” xabar bermoqda.
Bosh rollarni Keyt Blanshett va Runi Mara ijro etgan “Kerol” filmi biryo‘la besh nominatsiyada mukofotga da’vogarlik qilmoqda. Filmning o‘zi “Eng yaxshi to‘liq metrajli film-drama”, ikki aktrisa “Dramatik filmning eng yaxshi aktrisalari”, Todd Xeyns “Eng yaxshi rejissor”, filmga bastalangan musiqa esa “Eng yaxshi film musiqasi” nominatsiyalariga kiritildi. “Kerol”ning dunyo miqyosidagi premerasi shu yil Kann kinofestivalida bo‘lib o‘tgandi.
Nominantlarni Gollivudda akkreditatsiyadan o‘tgan xorijiy jurnalistlar assotsiatsiyasi (Hollywood Foreign Press Association - HFPA) tanladi. Mukofotlarni topshirish marosimi 2016-yil 10-yanvarda bo‘lib o‘tadi.
Izoh (0)