АҚШ президентлигига номзод Дональд Трампнинг АҚШга мусулмонларнинг кириб келишини вақтинча тақиқлаш ҳақидаги чақириғи Оқ уй томонидан қўллаб-қувватланмади. Бу ҳақда «Ведомости» хабар беради.
Оқ уй вакили Жош Эрнест Трампни «сайловчиларнинг қўрқувидан ўзининг сайлов кампаниясида қўллаб-қувватланиши учун фойдаланишга уринишда» айблади.
Аввалроқ Трамп «Мусулмонлар иммиграциясининг олдини олиш» деб номланган мурожаатини оммага ҳавола қилган эди. Унинг фикрига кўра, теракт хавфи танлаш имкониятини қолдирмаяпти. Бундай шароитда эса «АҚШга кириб келаётган барча мусулмонларни, сўз талабалар, сайёҳлар ёки муҳожирлар ҳақида кетаётганлигига қарамасдан, тўлиқ изоляция қилиш лозим», деганди Трамп.
Изоҳ (0)