Туркия расмийлари, Бағдод талабига қарамай, ўтган ҳафтада Ироқ шимолида жойлаштирилган ҳарбий хизматчиларини олиб чиқиб кетмайди. Бу ҳақда AFP манбаларига таяниб, «ТАСС» хабар бермоқда.
«Бу музокараларга боғлиқ, бироқ ўша жойдаги зобитларимиз хабарлари, фаолият олиб бораётган турли гуруҳлар талаби, марказий ҳукумат билан муҳокамаларимиз ва Ироқ Курдистони ҳукумати билан музокараларимиздан келиб чиқадиган бўлсак, кучларимиз қолиши аниқ», — дея маълум қилган агентликка Туркиядаги расмий манба.
Эслатиб ўтамиз, Ироқ бош вазири Ҳайдар ал-Ободий Анқарадан Ироқ ҳудудидаги қўшинларини 48 соат ичида олиб чиқиб кетишини талаб қилиб, акс ҳолда жиддий чоралар кўрилиши тўғрисида огоҳлантирганди.
Изоҳ (0)