Санкт-Петербургда Мисрда ҳалокатга учраган A321 самолётининг йўловчилари жасадларини қариндошларига топшириш жараёни якунланди, дея хабар бермоқда «РИА Новости».
Петербург ижтимоий сиёсат қўмитаси раҳбари сўзларига кўра, 214 оила ўз яқинлари жасадларини қабул қилиб олган. «Яна бир нечта жасад шахсини аниқлашда баъзи қийинчиликлар мавжуд, уларни таниб олиш ишлари давом этмоқда», — деди у.
7 декабрь куни, ҳалокатга учраган лайнерга эгалик қилган Россиянинг «Когалимавиа» авиакомпанияси текширув якунлангач, Миср ҳукуматидан товон пули ундириш ниятини эълон қилди.
Эслатиб ўтамиз, Санкт-Петербургда A321 қурбонлари жасадини яқинларига бериш 4 декабрда бошланган эди.
Изоҳ (0)