Туркия Россиянинг тўрт кемасини ушлаб қолди

Туркиянинг Самсун шаҳри порти раҳбарияти Россияга тегишли тўрт кемани текшириш учун ушлаб қолди. Бу ҳақда «Корреспондент.net» хабар бермоқда.

Нашрнинг қайд этишича, порт раҳбарияти «Кристалл», «Нева», «Омский-105» ва «Русия» юк ташувчи кемаларини текширув ишлари сабаб ушлаб қолган.

Порт ходимларининг сўзларига кўра, кемалар тегишли ҳужжатларнинг йўқлиги сабаб ушлаб турилибди. Порт директори Айдин Уналнинг айтишича, бунда гап «режа бўйич ўтказилган текширувлар» ҳақида бормоқда.

Ноябрь ойи охирида Россия байроғи остидаги кемалар Туркиянинг Босфор бўғозидан ўтишда муаммоларга дуч келгани маълум бўлганди. Рус кемалари бўғозга кириш учун рухсатномани 14 соатдан кутишга мажбур бўлган.