Россия икки томонлама муносабатлардаги кескинлашув энергетика соҳасидаги ҳамкорликка ҳам дахл этишини намойиш этгани йўқ. Шундай бўлса-да, юзага келган вазиятни инобатга олиб, Туркия бошқа етказиб берувчилар билан музокаралар олиб бормоқда. Бу ҳақда мамлакат президенти Ражаб Тоййиб Эрдўғон маҳаллий телеканаллардан бирининг эфирида маълум қилган, дея хабар беради Meduza.
Эрдўғон Туркия кейинги кунларда энергия манбалари етказиб бериш бўйича Қатар ва Озарбайжон билан келишиб олганини билдирди. Унинг айтишича, мамлакат нефть ва газга бўлган эҳтиёжининг 90 фоиздан зиёдини импорт ҳисобига қоплайди. Россия эса Туркияга энергия манбаларининг энг йирик етказиб берувчиси ҳисобланади.
Эслатиб ўтамиз, олдинроқ Эрдўғон Туркия Россиядан ташқари бошқа нефть ва газ етказиб берувчиларни топиши мумкинлигини билдирганди.
Изоҳ (0)