Миннесотада таниқли рок-мусиқачи Скотт Вэйленднинг ўлиги топилди

Рок-мусиқачи Скотт Вэйленд Миннесотада (АҚШ), концерт автобусида ўлик ҳолда топилди. Бу ҳақда «Газета.ru» хабар бермоқда.

Вэйленд ўзининг Scott Weiland & The Wildabouts гуруҳи билан гастрол концертларини ўтказаётган эди. Унинг ўлими сабаблари ҳозирча номаълум.

Stone Temple Pilots ва Velvet Revolver каби таниқли гуруҳларнинг собиқ яккахони бўлган 48 ёшли Вэйленд узоқ йиллар мобайнида ўзининг наркотикларга тобелигига қарши курашганди.