Москва давлат эстрада театри бадиий раҳбари, таниқли санъаткор Геннадий Хазанов Россия президенти Владимир Путинга император тожи нусхасини топширди. Маълум бўлишича, совға давлат раҳбарининг 7 октябрда нишонланган туғилган кунига аталган экан, дея хабар беради «РБК».
Путин ва Хазановнинг учрашуви Кремлда артистнинг 70 ёшга тўлиши муносабати билан бўлиб ўтди. Унга I даражали «Ватан олдидаги хизматлари учун» орденини топширар экан, Путин «орденнинг номланиши сиз йиллар давомида қилган меҳнатни акс эттиради», дея таъкидлади ва санъаткорга 1910 йилда чоп этилган пазандалик китоби нусхасини ҳадя қилди. Ўз вақтида Хазановнинг танилишига ошпазлик ўқув юрти талабасининг монологи сабаб бўлганди.
«Агар оддийроқ совға олиб келганингизда ўзимга қолдирган бўлардим, буни эса Кремлга топширишга тўғри келади», дея ҳазил қилган давлат раҳбари уни Хазановнинг бошига кийгизиб, «юбилейни нишонлаётган мен эмас, шунинг учун бу тож сизга ярашади», деб қўшиб қўйди.
Изоҳ (0)